Patay ang isang dating kagawad matapos umano itong pagbabarilin ng apat (4) na mga suspek sa tahanan nito sa Barangay Cabay, Tiaong, Quezon nitong Sabado, Enero 6.
Ayon sa police report, nasa terrace umano noon ng bahay ang biktimang si “Primo”, 53-anyos, nang biglang dumating ang mga suspek saka makailang beses na pinaputukan ang biktima na naging sanhi ng pagpanaw nito.
Samantala, agad na tumakas ang mga suspek matapos ang insidente dala ang armas na ginamit.
Sa ngayon, patuloy na nagsasagawa ng operasyon ang mga awtoridad upang matukoy ang suspek at ang motibo ng mga ito sa pamamaril.
