Patay ang isa ka 19-anyos nga estudyante matapos maaksidente sa ginamaneho nga motorsiklo sa ginakay-o nga karsada sa Barangay Poblacion Tabuc, Maayon, Capiz sang damlag lang.
Ginkilala ang biktima kay Jerecho Dejosto residente sang nasambit nga banwa.
Sandig sa imbestigasyon sang Maayon Municipal Police Station, samtang ginasubay sang biktima ang dalanon sakay sa ginamaneho nga Suzuki Raider 150 nga motorsiklo nagikan sa Barangay Indayagan papauli na kuntani sa ila balay sa Barangay Poblacion Tabuc, ginapahayag nga nalabayan sini ang lubak-lubak nga karsada sa diin natumba ini kag nag-angkon sang patal nga pilas sa lawas.
Ginpadangat sa Bailan District Hospital ang biktima apang gintransfer man ini sa isa ka pribado nga ospital sa syudad apang ini gid ang ginbawian sang kabuhi. | Judy Ann Juare
