Ginbisita kang Social Security System-Antique sa pagpanguna kang Run Against Contribution Evaders Team ang anum ka establisyemento komersyal nga may kapaltahan sa pagbayad kang andang kontribusyon.
Lakip sa mga ginpanaugan kang Notice of Violation ang darwa ka daragkol nga grocery store, gasolinahan, funeral homes, litsunan kag sara sa mga kilala nga karan-an sa Bugasong.
Naman-an nga ang ginapatigayon nga RACE ang sangka soft-hand approach kang SSS kun sa diin ginatugruan kang 15-diyas ang mga employer nga i-address ang andang mga baraydanan.
Madumduman nga duro ron ka mga employer kag business owner sa probinsya kang Antique ang ginpasakaan kang kaso nahanungod sa pagbayolar kang RA 11199 ukon ang Social Security Act of 2018.
