Arestado ru sangka chainsaw operator matapos serbihan it warrant of arrest sa Pob. Malinao, Aklan.
Nakilaea ru subject person nga si Conrad Mahinay, sa legal nga edad ag residente it Brgy. Dangcalan, Malinao, Aklan.
Naga pangatubang it Criminal Case NO. 2455-I si Mahinay nga gin papanaog ni Hon. Maribel De Leon De Guia, Presiding Judge MCTC Ibajay-Nabas nga may petsang September 21, 2021.
Naga balor it P36,000 ru gin rekomendang pyansa it korte.
Nasayuran nga expire eon ru lisensya it gina gamit nga chainsaw ku unang pagka dakop it mg akapulisan ku Marso 9, 2021 apang na dismiss it pisklaya.
Raya hay matapos nga uwa makahabol ru mga supporting documents halin sa DENR kontra sa nasambit nga chainsaw operator.
Sa makaron, may panibag-o eon man nga pag-eabag si Mahinay ag nai-file eon ru kaso pina agi sa regular filling. //MARIVIC Y. ILIN
