GIPLANO sa LGU-GenSan ang pagpailawom sa mga empleyado sa surprise drug test.
Kini dungan sa pagkasikop sa anti- illegal operation sa Philippine Drug Enforcement Agency (PDEA) 12 sa Job Order (JOB) worker sa LGU.
Matud ni Atty. Franklin Gacal Jr., city administrator magpulong sila sa mayor ug sa labaw sa kapulisan kalabut niini.
Gisiguro sa opisyal nga mahimong drug-free work place ang city hall ug wala nila gi-tolerate ang unsa mang hiwi nga binuhatan sa empleyado.
Kahibaloan nga nasikop sa operasyon si alyas Fiel, 30-anyos, taga Barangay Apopong sa operasyon sa Barangay Sinawal.
Asa naimbargo sa posisyon niini ang P14,000 kantidad sa gituohang shabu ug motorsiklo nga gipanag-iyahan sa LGU.
Si Fiel ang naa pa lang usa katuig ug upat ka bulan isip JO sa LGU nga nadestino isip meat inspector sa City Veterinary Office (CityVet). I Richel Gubalani
