GIHIMAKAK sa labaw sa kapulisan ang paglakip sa Mindanao State University MSU) sa listahan nga lambigit sa recruitment activity sa New People’s Army (NPA).
Matud ni Police Col. Nicomedes Olaivar Jr., director sa GenSan City Police Office (GSCPO) sa karon walay silay rekord kalabut niini. Apan giangkon nga pipila katuig ang milabay nasulod ang state- run-school sa GenSan sa maong listahan sa kapulisan.
Sa official statement nga gipagula sa MSU administrasyon gitawag nilang malisyoso ug walay basehan ang inclusion nila sa listahan.
Gipakawalay bili usab sa maong taho sa PNP ang reputasyon sa unibersidad ug gibutang sa risgo ang mga estudyante ug magtutudlo. Migula ang maong impormasyon dungan sa pagpahigayon og senate hearing atong Agosto 6 ilawom sa committee on Public Order and Dangerous Drugs ni Senador Ronald Dela Rosa.
Asa tumong sa pagdungog ang pag-rebyu sa gipatuman nga Anti-Terrorism Act of 2020 sa tanang tulunghaan sa nasud. I Richel Gubalani
