Nasawi ang isang babae sa sunog na sumiklab sa commercial building sa G. Tuazon Street sa Barangay 414, Sampaloc, Manila kaninang madaling araw.
Base sa imbestigasyon, isang babaeng stay-in na empleyado ng isang carenderia ang nasawi.
Kwento ng dalawang empleyadong nakaligtas, natutulog sila sa unang palapag ng gusali at natutulog naman sa mezzanine ang biktima nang mangyari ang sunog.
Ayon sa BFP, nagsimula ang sunog pasado alas tres y media ng madaling araw kanina at agad itong itinaas sa unang alarma.
Inaalam pa ng BFP ang pinagmulan ng sunog habang aabot sa P100,000 ang halaga ng pinsala.
