CAMARINES NORTE- Nagsimula nang mag convene ang Election Registration Board (ERB) para i- verify at i-certify ang Election Day Computerized Voter’s List (EDCVL) at Posted Computerized Voter’s List (PCVL) bilang paghahanda sa Barangay at Sangguniang Kabataan Elections sa Disyembre.
Ito ay kahit pirma na lang halos ni Pangulong Ferdinand “Bongbong” Marcos Jr. ang hinihintay para pagtibayin ang panukalang batas na nagpapaliban sa halalan.
Sa bayan ng Basud ay nag- convene ang ERB simula noong Miyerkules, kahit holiday sa buong lalawigan.
Ayon sa Comelec hindi sila pwedeng tumigil sa ginagawang paghahanda sa eleksyon hanggang walang batas na nagpapaliban dito.
Mababatid na inaprobahan ng senado at kamara sa ikatlo at huling pagbasa ang pagapapaliban ng halalan sa December 5, 2022 sa halip ay gawin ito sa huling Lunes ng October 2023.
Ngayong araw ay muling magko- convene ang ERB sa Basud para ipagpatuloy ang ginagawang paghahanda sa halalan.
