Nakita sa Philippine Statistics Authority-7 nga dili ra hayan matandog ang ekonomiya sa Central Visayas bisan og makuhaan kini og 179-billion pesos tungod sa Negros Island Region.
Mobalor kini sa 14-percent gikan sa kinatibuk-ang 1.38-trillion pesos nga gross regional domestic product sa tuig 2023.
Anaa ra sa 12.9-percent ang tampo sa Negros Oriental sa kinatibuk-ang ekonomiya ug 0.9-percent usab sa Siquijor.
Gikan sa Sugbo ang dakong bahin sa ekonomiya diin anaa kini sa 30.1-percent samtang 13.3-percent usab sa Bohol.
Dako usab ang bahin sa Cebu tri-cities nga anaa sa 8.5-percent hangtud sa 22.4-percent.
Maong nakita ni Engineer Felixberto Sato Jr. magpabilin ra sa pagka-trillionaire ang ekonomiya sa Central Visayas bisan og makuhaan ra ang duha ka mga probinsya.
Nakita sa mga magbabalaud ang panginahanglanon aron mahiusa ang Negros Island ug hayan mas mapadali ang pagserbisyo sa gobyerno.
Maong napirmahan ni Presidente Ferdinand Bongbong Marcos Junior ang Republic Act 12001 kon Negros Island Region Act.//
