-Reymund Titong
KABANKALAN CITY, Negros Occidental — Gina-duso sang Philippine Business for Education (PBEd) si Negros Occidental Third District Representative Jose Francisco “Kiko” Benitez nga mangin masunod nga secretary sang Technical Education and Skills Development Authority (TESDA).
Nahibaluan nga sa karun, si TESDA Director General Suharto Mangudadatu ang nakatalana nga maga-resign sa iya pwesto sa maabot nga Hulyo 31, agud mag preparar sa nagapahilapit nga una nga parliamentary elections sa Bangsamoro Autonomous Region in Muslim Mindanao (BARMM).
Sa isa ka sulat sang Hulyo 24 nga gin-padala kay President Ferdinand Marcos Jr., sang PBEd, paagi sa presidente sang organisasyon nga si Dr. Chito Salazar, ang nagsiling nga si Benitez ang nagakaangay nga mag e-butang sa pwesto bangud sa iya nga denikada nga experyensya bilang isa ka mamalidha, manunudlo, kag presidente sang eskwelahan.
Madumduman nga una na nga gin-rekomendar sang PBEd si Benitez nga mangin Education secretary sang tinalikdan nga binulan, pagkatapos mag resign si Vice President Sara Duterte sa pwesto. Sa dalayon, si Senator Juan Edgardo Angara ang gin-appoint bilang taglikum sag ahensya.
Para kay Salazar, si Benitez ang may naga-kaigo nga experyensya sa nagkalain-lain nga sektor nga amo naman ang ila nakit-an kun nga-a nagakaangay si Benitez nga e-butang sa pwesto.
