Namatay eon ru sangka eaeaki nga nabanggaan it tricycle matapos nga gulping tumabok sa national highway it Brgy. Tigayon, Kalibo, Aklan ku nagtaliwan nga Marso 19, 2023.
Gin komperma ni PMSg Joemar Ortega, imbistigador it Kalbo MPS, indi eon magpasaka it kaso ru pamilya ku biktima nga si Jesus Tañon y Manocan, 54 anyos kontra sa driver it tricycle nga si Ramon Abisan Jr., y Orsos, 51 anyos, tanan mga residente it nasambit nga lugar.
Naka angkon it lastro sa ueo ru biktima bangud sa mabaskog nga impact sa pagka bangga.
Nadaea pa sa hospital ru biktima apang namatay samtang gina bueong.
Kun matandaan, una eon nga gin inquest ru driver it tricycle matapos pasakaan it kasong Reckless Imprudence Resulting to Physical Injury bangud sa uwa it maibayad sa hospital bill nga naga balor it P500,000.
Samtang, ku ulihi hay nag decision ru pamilya it biktima nga indi lang ipa dayon ru pagpasaka it kaso //MARIVIC Y. ILIN
