Eaeaki nga may diperensya sa painu ino patay matapos mahueog sa hagdan it Ibajay Public Market

Patay ro sangka eaeaki matapos raya nga mahueog sa hagdan it Ibajay Public Market.

Ginkilaea ro biktima nga si Froilan ‘biyot’ Misajon nga taga Brgy. Bagacay, Ibajay, ag nasayuran nga may diperensya sa painu ino.

Nagsaka segun raya sa hagdan paagto sa 2^nd floor it nasambit nga tindahan, kung siin nadanlog raya ag nahueog ag umigo ro anang ueo rasun it anang kamatayun. // ANN DESLENE SALAZAR

BNFM Kalibo