Nadakpan sa akto ro sangka eaeaki nga nagpanakaw it ampalaya sa sangka taeamnan sa Sitio Ob-ob Brgy. Linabuan Sur, Banga, Aklan.
Sa report, ginkilaea ro suspek nga si Ronie Pereira 20yo it Paraiso Road sa nasambit nga barangay.
Samtang, ginkilaea man ro tag-ana it taeamnan nga si Reynaldo Siason it Brgy. Jumarap, Banga ag mismong naka-akto sa suspek nga nagpanakaw it kapin sa 19 kilos it ampalaya.
Ka’t makita segun imaw it suspek hay insigida rayang nagdaeagan pero gin-report nana ro insidente sa pulis rasun nga nadakpan ro suspek sa baeay kara.
Insigida man nga na-inquest ro suspek para sa kasong theft nga ginpasaka ni Siason. / ANN DESLENE SALAZAR
