Nadakpan it Numancia PNP ro sangka 42yo nga eaeaki nga nagapataya it ilegal nga EZ2 bookies sa Brgy. Marianos, Numancia kainang pasado alas 4 it hapon.
Sa interview it BRIGADA NEWS FM KALIBO kay Police Staff Sgt. Arjorine Mendoza, imbestigador it Numancia MPS, ro suspek nga owa ginpangaeanan hay taga Brgy. Andagao, Kalibo.
Narekober sa suspek ro 40 pesos nga marked money, 1,540 pesos nga kwarta halin sa koleksyon kara sa ilegal nga sugae ag pila ka mga paraphernalias.
May daywang dominggo eon segun nga ginamonitor it mga otoridad ro nasambit nga suspek nga kulong makarun sa Numancia MPS. // ANN DESLENE SALAZAR
