Naka angkon it tama’t pag-eabo sa ibang parte it kaeawasan ru 47 anyos nga biktima matapos mag pacify o mag para sa naga linabu-an it mga mag kaeampod sa Brgy. Rivera, Libacao, Aklan.
Nakilaea ru biktima nga si Michael Beltran it nasambit nga lugar.
Sa imbistigasyon ni PSSg. Randy Zubiaga imbisitgador it kaso, natabo ru insidente sa samtang naga inuman ru suspek nga si Lito Samenio, 58 anyos ag mga kaibahan sa lugar.
Nagdiskusyon ru suspek ag kakontra nga si Arnel Beltran 41, habal-habal driver bangud sa dating bagina ag ku ulihi hay nag bueognutan it sanduko ag mag linab-an.
Unang nag-eabo si Arnel kontra kay Lito apang daplis eamang ag dayon bumaeos si Lito rason nga naka angkon it tama’t pag-eabo sa siki ag ueo.
Kulong sa makaron ru suspek sa Libacao Municipal Police Station ag maga pangatubang it naga kaigo nga kaso.//MARIVIC Y. ILIN
