Binigyang diin ni Pangulong Rodrigo Duterte na hindi magde-deescalate ang Pilipinas sa Alert Level 0 sa kanilang COVID-19 pandemic response system, o ibaba ang buong Pilipinas sa 1, hanggang sa maayos na ang lahat.
Para kay Duterte, ang alert level 1 ang maganda paring buffer para sa bansa, dahil mauulit at mauulit lang umano ang mga infections, tapos may mutant na bago.
Mababatid na sa ngayon, ang Metro Manila palang at 28 ibang rehiyon ang nasa Alert Level 1.
Una nang sinabi ng Department of Health (DOH) na target nilang irekomenda ang pagsasailalim sa ilang mga lugar sa Alert Level 0, pero binawi matapos makaranas ang Hong Kong, China at South Korea ng surges sa coronavirus cases.
