Magpabilin ang hugot nga implementasyon sa Police Regional Office XI sa pagpangayo og mga negative RT-PCR Test result sa mga borders sa rehiyon onse.
Kini ang gipaklaro ni PRO-XI spokesperson Maj. Eudisan Gultiano, kung diin gibutyag niini nga padayong sundon sa kapulisan ang resolusyon sa Regional Inter-Agency Task Force kalabot sa Uniformed Border Control ug ang pagpangayo sa maong dokumento ilabi na sa mga non-essential travelers.
Bisan matud pa duna nay gipagawas nga regulasyon ang National IATF nga dilina kinahanglan ang negative RT-PCR Test result sa mga fully-vaccinated nga mga indibidwal.
Hulaton pa sab sa PRO-XI ang guidelines gikan sa IATF ayha wagtangon ang maong resolusyon sa rehiyon.
Kalabot niini, gibutyag sab sa opisyal nga mokabat na sa 3,800 ka sakyanan ang wala gipasulod sa Davao region gumikan sa kapakyas makapakita og negative RT-PCR Test result sa mga borders.
Ang maong datus sukad gisugdan ang implementasyon sa Uniformed Border Control niadtong Mayo 14.
