CAMARINES NORTE- Kapwa sugatan ang dalawang driver ng motorsiklo matapos na magkabanggaandakong 9:05 kahapon ng umaga sa Maharlika Highway, P-1, Brgy. San Isidro, Talisay, Camarines Norte
Nagtamo ng pinsala sa iba’t ibang parte ng kanilang katawan ang mga biktima ng aksidente na kinilalang sina sina NIEL SANCHEZ SAN ANDRES, drayber ng Yamaha Mio Sporty na kulay violet, 42 taong gulang, isang PWD at residente ng P-1, Brgy. San Isidro, Talisay, Camarines Norte at si ARVIN RAFER CABAJAR, 23 taong gulang, isang collector at residente ng Purok 1, Brgy. Calasgasan, Daet, Camarines Norte.
Ayon sa imbestigasyon, sa nabanggit na oras at lugar ng pinangyarihan habang binabaybay ng motorsiklong minamaneho ni SANCHEZ ang kahabaan Maharlika Highway mula Poblacion, Talisay patungong bayan ng Labo at habang papaliko sa kaliwang bahagi ng kalsada nang aksidenteng bumangga sa likurang bahagi nito ang motorsiklo na minamaneho naman ni RAFER na patungo rin sa parehas na direksyon.
Ang dalawang drayber ay agad na dinala sa Camarines Norte Provincial Hospital para sa agarang lunas.
Ang dalawang motorsiklo kasama ng mga dokumento nito ay kasalukuyang nasa pangangalaga ng Talisay MPS para sa kaukulang disposisyon.
