TANGGONG na sa selda ang duha ka indibidwal human nasikop sa gihimong operasyon sa personahe sa Makar Police Station.
Nasikop sila Mia Taluna, 49-anyos ug Gabriel Fuentes, 35-anyos mga residente sa Purok Raquenard, Sinawal General Santos City.
Matud ni Police Major Carl Ivan Baynosa, hepe sa presinto nadakpan nila ang duha pinaagi sa pagpatuman sa warrant of arrest sa kasong pagpangawat.
Ang duha ang nasikop sa kapulisan alas-11 sa ganinang buntag sa nasangpit nga lugar sa pakigtinabangay nila sa mga miyembro sa Barangay pulis sa dapit.
Mokabat usab sa P10, 000 ang pyansa nga girekomenda sa korte alang temporaryong kagawasan ang mga dinakpan.
Ang duha ang ika-unom na katao nga nadakpan sa sakop sa presinto nga dunay kasong pagpangawat.
Nagtuo si Baynosa nga ang sunod-sunod nga pagkasikop sa nila mga dunay kasong pagpangawat ang makatabang sa pagpaubos sa ihap sa kaso sa pagpangawat sa ilang lugar nga ginsakopan.