Patay ang duha ka driver sa motorsiklo human nagbanggaanay sa center lane sa Prk-1 Barangay Lumatab Maco Davao de Oro pasado alas 2:35 kagahapon sa kadlawon.
Sa report sa Maco Municipal Police Station giila ang duha ka driver nga silang Irene Mahinay, 27-anyos ug Mervin Sanopao, 20-anyos samtang samaran ang tagsa-tagsa nilang backride nga silang Merasol Jumalon, 22-anyos ug Carl Trixie Pauya, 17-anyos.
Nasayran nga gikan sa Compostela ang motorsiklo nga gimaneho ni Mahinay og papauli na unta sa Brgy Binuangan sa Maco sa dihang sa tunga mismo sa dalan na head on niini ang kasugat nga motor nga gimaneho ni Sanopao.
Sa kakusog sa bangga nangadugmok ang atubangang bahin sa duha ka motorisklo nga miresulta sa kamatayon sa duha ka drayber samtang ang duha ka backride gipangdala sa Pantukan Provincial Hospital arong matambalan. BNFM-Davao
