Sikop ang duha ka indibidwal atol sa gipahigayon nga drug buy bust operation sa mga personahe sa Tagum City Police Station sa Purok Talisay, Gazmen Road, Barangay West, Tagum City, Davao del Norte.
Giila ang suspek nga sila Johnny Cosio Doloroso, alyas “JOHN”, 28 anyos, minyo, walay trabaho, ug residente sa Purok 6, Bugtong Talisay, B.E. Dujali, Davao del Norte ug kauban niini nga si Josie Maderal Pintuan, 27 anyos, walay trabaho ug lumulopyo sa Purok 1, Pinasagan, Barangay Manuel Roxas, Governor Generoso, Davao Oriental.
Ang mga dinakpan malampusong nasikop human nga napalitan kini sa nagpaka aron ingnong poseur buyer og usa ka pakete sa gituohang shabu bugti sa buy bust money ug sa dihang gihiling pa ang mga suspek, laing mga pakete sa illegal nga shabu ang nakuha sailang posisyon lakip na niini nag usa ka Digital weighing scale, usa ka sling bag.
Gibana-banaang mitimbang sa 1.70 grams ang gibug-aton sa drug items ug mubalor sa Php 11, 560. Kasong pagsupak sa RA 9165 ang atubangon sa mga suspetsado.
