Dugang nga vaccination encoders iga hire it DOLE o Department of Labor and Employment sa Western Visayas ag maging sa bilog nga nasyon.
Suno sa DOLE, mas abo nga gustong mag pabakuna kontra COVID-19 sa makaron nga buean.
Raya sigun ru rason kun ham-an maga-hire ru DOLE o Department of Labor and Employment it dugang nga mga vaccine encoders.
Sa makaron, 100 ka slots ru gin buksan it DOLE para sa naga kasari-saring parte it nasyon.
Iga deploy ru bag-ong ma-hire nga mga encoders sa mga LGUs nga naga kinahanglan it dugang nga assistance sa pag-encode it data it mga nabakunahan sa lugar.
Katuyu-an kara nga ma-facilitate ru pag-report it mga vaccination data.//MARIVIC Y. ILIN
