Nag agto iya sa banwa it Kalibo ro Dubai-based international designer nga si Furne Amato, para matan-aw ro ginapabugae naton nga piña cloth ag para ubrahon nana nga pinasahe nga materyales para sa anang nagahilapit nga fashion show.
Bilang sangka kilaea nga Filipino fashion designer halin sa Cebu ag nakabase sa Dubai, si Amato hay nakabuoe it international recognition para sa anang mga manami nga disenyo.
Ro anang mga ubra hay nagpanami sa mga kilaeang events kaparehu it America’s Next Top Model ag Germany’s Next Top Model ag kay Miss Universe Pia Wurtzbach nga nakasuksok it anang disenyo.
Sa pag usoy it mga telang piña sa Kalibo, ginpakita ni Amato ro anang dedikasyon sa pag-impon it mga tradisyunal nga materyales sa Filipino sa anang mga ubra it haute couture, nga ginhalo ro pamana it kultura sa mga kontemporaryong fashion sensibilities agud magkrear it mga manami nga disenyo. // ANN DESLENE SALAZAR
