NAGA CITY—Wala pang nakikitang pagtaas sa presyo ng mga pangunahing bilihin sa mga malalaking supermarket at pamilihan ang Department of Trade and Industry o DTI Camarines Sur.
Sa kabila ito ng patuloy na pagsirit sa presyo ng gasolina na madalas ay may epekto rin sa mga presyo ng mga prime commodities sa bansa.
Ayon kay Jay Ablan, Provincial Director ng DTI Camarines Sur, base sa kanilang monitoring ay normal pa naman ang presyuhan ng mga gatas, kape, asukal, tinapay at iba pa.
Sapat parin ani Ablan ang supply ng mga pangunahing produkto sa mercado kaya walang dapat na ikabahala ang mga mamimili. Subalit aminado ang opisyal na hindi tatagal ay posibleng makaranas ng bahagyang pagtataas sa presyo ng mga ito dahil narin sa epekto ng patuloy na pagsipa ng presyo sa produktong petrolyo.
