Sa handum it DSWD Field Office VI nga maging 100 percent tobacco-free ag vape-free, mainit nga ginbatun kara ro Iloilo City Anti-Smoking Task Force (ICAST) sa compound kara sa MH Del Pilar, Molo, Iloilo City, samtang naga patigayun it inspeksyon ro team sa lugar.
Mismong si Regional Director, Atty. Carmelo N. Nochete, ro nagsueat sa ICAST nga naga imbita sa mga raya para kabuliganan ro pag-implementar sa pagbawae sa pagbaligya ag pag advertise sa tobacco products sa sueod it 100-meter parameter it compound, base sa ordinance 2014-527 nga nagabawae sa pagpanigarilyo ag pag vape sa pampublikong lugar.
Gin-insister ni Nochete nga ro pagtapna kara hay para maprotektahan ro naga transaksyon nga publiko sa mga peligro sa andang kaeawasan ag siguruhon ro sangka healthy ag produktibong lugar para sa mga empleyado. // ANN DESLENE SALAZAR
