Ginkilaea bilang ‘top performing officers’ sa region 6, sanday Iloilo City Congresswoman Julienne ‘Jam’ Baronda ag 3rd District Congressman Lorenz Defensor, base sa resulta it “Boses ng Bayan” nationwide survey it RPMD Foundation Inc. (RPMD).
Si Congresswoman Jam Baronda ro nagguwa bilang top performer sa rehiyon, nga may 90.7% job performance score.
Sumunod kana si Congressman Lorenz Defensor, nga may 89.8% nga marka, nga nagbutang sa daywa sa statistical tie para sa naga pangunang puwesto.
Ro Western Visayas Region Representatives survey, hay ginpatigayun bilang kabahin it nationwide “Boses ng Bayan” initiative, nga nagbuoe it 10,000 respondents, ag kada isaea hay naga representar sa andang mga nasakupan.
Samtang, sa Top 7 si Congressman Teodorico Haresco Jr., it Aklan District 2 nga may 82.3 percent, ag Top 12 si Congressman Carlito Marquez it Aklan District 1 nga may 74.5 percent. // ANN DESLENE SALAZAR
