Sinabi ni Senate President Chiz Escudero na posibleng sa ilalim ng Senate Committee on Blue Ribbon Committee talakayin ang imbestigasyon hinggil sa ‘war on drugs’ probe.
Pagpapaliwanag niya, sa ilalim kase ng kanilang rules, mababasa na ang komite lang na ito ang may kapangyarihang magsagawa ng motu propio habang nasa recess sa Senado.
Pero anya, kung sakali namang mag-resume na sila ay malaki ang posibilidad na ang Committee on Justice na ang humawak dito.
Ngunit sa kabila nito, iginiit ng senador na hindi niya inaalis sa mga option ang pagsasagawa nito sa ilalim ng Committee of the Whole na mungkahi ni Senadora Risa Hontiveros.
