Nakumpiska sa mga sakop sa Task Force Davao ang mga droga ug armas gikan sa tulo ka mga byahero dihang giharang sa intensified joint police ug military checkpoint sa Bunawan ning syudad sa imaging Sabado.
Giila sa Task Force Davao ang mga suspek nga sila si Mark John Barrirta Villanueva, 37; Jerome Delarmente Baysa, 40; ug Ian Mark Delarmente Baysa, 35 anyos nga pulos taga-Barangay Fatima, General Santos City nga sakay sa puti nga Hi-Ace Van gikan sa Tagum City, Davao del Norte.
Narekober sa ilang posisyon ang lima kagagmayng pakete sa gitoohang shabu motimbang og 1.48 nga dunay estimated street value P23,680, lakip ang caliber 45 pistol; caliber 9mm pistol; magazines; ug mga bala.
Gidayeg ni Colonel Darren E. Comia, commander sa Task Force Davao ang mga sakop niini ug ang mga personahe sa Bunawan Police Station tungod sa pagkaharang sa mga droga ug armas.
Ang mga suspek tingkagol na sa Bunawan Police Station samtang ginaandam ang kasomng ipasaka batok kanila may kalabutan sa RA 9165 ug RA 10591.BNFM-DAVAO
