Kasong paglapas sa PD 705 Forestry Reform Code of the Philippines ang posibleng atubangon sa tulo ka mga lalaki tungod sa mga pinutol nga kahoy lauan sa Purok Rosal, Barangay Buso, Mati City.
Kini human gidakop ang tulo nga giilang sila si Aldrin Serrano 19 anyos, Arjie Mandabon 21 anyos nga pulos mga taga Calapagan, Lupon Davao Oriental ug Noeh Miras 47 anyos nga taga Don Mariano Marcus Lupon Davao Oriental.
Ang mga nahisgutan pakyas nga makapresenta og papeles sa gibyaheng mga pinutol nga kahoy nga gisakay sa ilang mga motorskilo.
Una niini nagronda ang mga sakop sa Swat Team sa pagpanguna ni PLt. Col. Ernesto Gregore sa imaging Sabado dihang naagian ang duha ka motorsiklo nga dunay kargang 26 ka pinutol nga mga kahoy apan walay mapakitang dokumento. BNFM-DAVAO
