BALHOG sa selda sa kapulisan ang duha ka tawo nga gitudlong nalambigit sa iligal nga droga.
Sa gipahigayon nga Simultaneous Anti-Criminality Law Enforcement Operation kun SACLEO sa General Santos City Police Office (GSCPO) adlaw nga Biyernes, Hulyo 22 unang nadakpan ang bulad vendor nga si Jamjamia Omar alias Anaw, 27-anyos, taga Badjao Village, Brgy. Bawing.
Nakuha gikan sa posisyon niini ang kapin P8,000 nga kantidad sa iligal nga droga.
Samtang dungan sa operasyon sa kapulisan napalitan usab og isa ka putos sa gituohang shabu ang driver nga si Jemuel Cañete, 33-anyos, ulitawo residente sa Zone 1-A, Purok Saway, Brgy. Labangal.
Ang duha ka dinakpan dugay nang gimonitor sa kapulisan human migula ang mga pangalan niini nga nalambigit sa iligal nga aktibidad.
Gihikutar na sa otoridad ang tukmang kaso nga ipasaka batok sa duha ka dinakpan. I Enamie Mogpon
