GIKUMPIRMA ni Bong Tuballes, Provincial Environment and Natural Resources Officer sa Sarangani Province nga makig-MOA ang Dr. Jorge P.Royeca Hospital sa probinsya alang sa pag-treat sa ilang medical waste sa Sarangani Medical Waste Treatment Facility.
Segun pa ni Tuballes maong facility nag-operate ulahing semana sa Desyembre 2021 ug mokabat na sa 4 tons sa hospital waste sa unom ka lungsod sa probinsya ang ilang na-treat ug naka-income sila og P124,000.
Butyag ni Tuballes, nga ilaha pang sabutan sa taga DRPRH ang serbisyo nga ihatag sa probinsya, kon kini ba pag-treat lang sa medical waste o apil ang transport ug disposal.
Dugang pa niini nga ang ilang machine may kapasidad sa pag-treat og 150 kilo nga medical waste kada oras.
Sa karon nagakolekta lang sila og P30 pesos kada kilo sa medical waste nga ipa-treat sa pyroclave ultima machine apan mahimo nang maningil og dugang kung ang medical waste sila pa ang mokolekta ug mag-dispose.
