BICOL – Sa kaenot enoteng pagkakataon tinawan nin reconosimiento an Department of Labor and Employment Bicol sa isinagibong 2021 National Kabuhayan Awards.
Ini matapos na makaresibe nin award bilang duwang Livelihood-Assisted Projects sa rehiyon kun saen pignumbraran bilang 2nd placer an Glass and Aluminum Works ni Jonel Guevarra para sa “Best DOLE Assisted Livelihood Project” individual category habang 3rd place man para sa group category an Cacao Processing Project kan Mayon Farmers Association Inc. sa Camalig, Albay.
Si Guevarra, na benepisyaryo kan DOLE-Bicol gikan sa banwaan kan Mercedes, Camarines Norte na natawan nin Kabuhayan Stater Kits kan August 2017, mantang an Mayon Farmers Association (MFA) Inc. an naggikan man sa marginalized group kan mga paraoma gikan sa mga banwaan kan Camalig asin Guinobatan asin nabilog kan taon dos mil dose sa paagi kan sponsorship kan Muravah Foundation.
Uminabot sa 40,000 pigresibing cash prize ni Guevarra mantang an MFA NA binisto para sa saindang “sustainable business” na Cacao Processing asin nagresibe nin P60,000 na cash award asin plaque of recognition.
Mantang nagpasalamat si DOLE Bicol Regional Director Ma. Zenaida A. Angara-Campita para sa naresibing award kan mga benepisyaryo asin nagpromesang padagos an suporta kan ahensya sa mga ini sa paagi kan emergency employment asin livelihood opportunities.
An National Kabuhayan Awards iyo an sarong annual event na ginibo kan Bureau of Workers with Special Concerns (BWSC) sa pakikipagtabangan kan mgaRegional Offices tanganing tawan nin award an dai matatawadan na esfuerso kan mga benepisyaryo kan DOLE sa nacion tanganing mapauswag an mga livelihood projects na ipigtao sa sainda.
