GIAWHAG sa mga doktor sa GenSan ang mga ginikanan ug guardian nga pabakunahan na batok Covid-19 ang mga bata edad 5-11 anyos. Kini dungan sa gihimong kickoff kids vaccination sa GenSan sulod sa Dr. Jorge P. Royeca Hospital asa 100 ka bata ang gibakunahan.
Matud ni Dr. Rochelle Oco, City Health Officer ug local IATF incident commander usa ang iyang 10-anyos nga anak nga babayeng gibakunahan. Tumong mahatagan og proteksyon ang lawas sa mga bakuna batok sa posibleng pagkatakod sa virus.
Sa unang adlaw sa pagbakuna sa mga bata walay natala nga adverse effect sama sa kalintura sa mga nagpabakun ang mga bata. Gisuguro ni Oco nga sa pagsugod sa mass vaccination alang sa maong age group paigo ang supply sa Pfizer vaccine nga gamiton sa mga bata. Giklaro usab niini nga lahi ang dosage sa bakuna tungod gihimo kini alang sa mga bata itandi sa dosage sa bakuna nga gihatag sa adult. I Richel Gubalani
