LUYO sa pagpailawom na sa GenSan sa mas luag nga alert level 2 tungod sa kasamtangang Covid-19 situation, nagpabiling rekisitos sa mga arriving passengers sa GenSan City airport ang pagpresenta sa vaccination card o negatibong resulta sa RT-PCR test 48 hours bag-o ang pag-abot sa pasilidad. Kini base sa gipagula nga mandu sa Civil Aviation Authority of the Philippines (CAAP) sa siyudad atong Enero 11, 2022.
Tumong niini, butyag sa LGU ang masiguro nga dili na mosaka pa ang kaso sa Covid-19 sa dakbayan. Kahibaloan nga lakip ang GenSan sa daghang lugar sa nasud nga gipailawom sa mas luag nga alert level gikan gahapon hangtud sa Pebrero 28. Ang pag-ubos sa alert level ang usa ka bulan human gipailawom ang siyudad sa alert level 3 tungod sa Covid-19 surge.
Enero 29, gianunsiyo sa LGU nga nakatala ang siyudad ug unang duha ka kaso sa Covid-19 Omicron variant infections ang siyudad. Pebrero 15, naa sa 286 ang active cases sa GenSa nga duna nay negative positivity rate nga gikaengong manageable na ang sitwasyon. Pahimangno ni Dr.Rochelle Oco, City Health Officer sa mga residente nga hugot gihapon sundon ang minimum health public health standard batok sa virus.
Samtang gitugotan na ang 50% capacity sa indoors venue sa fully vaccinated samtang 70% outdoor venue capacity. Ang edad 9 hangtud below 18-anyos unvaccinated ang makasulod na sa establisimento apan kauban ang fully vaccinated individuals. I Richel Gubalani
