Sa pihak it pagluwag it mga health protocols, ginapahanumduman sa gihapon it Department of Health (DOH) ro mga residente it Western Visayas nga pagasundon ro ginapatuman nga mga minimum health standards.
Base sa impormasyon maabong mga tawo, kaeakip ro mga menor de edad, ro nagdagsa sa mga malls, business establishments, plaza, ag mga parke sa maeain-eain nga parte it rehiyon bangud sa pagbuo-e it mga ginapatuman nga mga protocols.
Ginaasahan man raya it taeatapan bangud sa pagbukas it ekonomiya it rehiyon pero kinahangean nga pagasundon gihapon it publiko ro health standards.
Ginkumbinse man it DOH nga magpabakuna ro mga residente it Western Visayas kapin pa nga nagapaeapit ro paskwa.
Presente nga nagapaidaeom sa Alert Level 2 o “low risk” classification ro rehiyon./JIL B. LACSON
