Tuluy-tuloy pa rin ang ginagawang mahigpit na pagbabantay ng Department of Health sa posibleng pagpasok ng monkeypox sa Pilipinas.
Sa pulong balitaan,sinabi ni Dra. Alethea de Guzman na mayroon nang mga nakalatag na hakbang ang Kagawaran para maiwasan ang pagpasok nito sa Pilipinas, o ‘di kaya nama’y maiwasan ang hawaan nito sakali mang mayroong makalusot sa bansa.
Itinuturing na aniya bilang isang ‘notifiable disease’ ang mokeypox – ibig-sabihin, lahat ng mga suspected cases nito ay kaagad na iuulat sa Epidemiology Bureau at sa mga concerned regional units nito.
Agaran ding ipatutupad ang isolation at quarantine sakali mang may magpositibo nito sa bansa.
#
