Mag-oobserba ang Department of Health sa loob ng dalawang linggo, upang makita kung may epekto ang Pista ng Itim na Nazareno sa COVID-19 transmission sa bansa, lalo na sa National Capital Region (NCR).
Kaugnay nito, hinikayat ni DOH officer-in-charge Maria Rosario Vergeire ang mga deboto na obserbahan ang kanilang sarili para sa anumang sintomas ng COVID-19, at manatiling nakasuot ng face masks sa loob ng limang araw.
Sa harap nito, sinabi naman ni Vergeire, na nakita naman nila sa mga ito na kahit dikit-dikit ang mga deboto, ay nakasuot naman ang kanilang mask.
Ibinahagi naman ng naturang opisyal na hindi parin maiwasan sa mga kababayan ang pag-aagam agam na baka mahawa sa naturang sakit kaya, talagang nag-iingat umano ang mga ito.
