LEGAZPI CITY – Nagpupuon-puon nang magpurga asin magtao nin deworming tablets an Department of Health Bicol sa mga kaakian edad na 1-19 years old sa kada lokal na gobyerno asin Rural Health Units nganing mapalangkaw an turnout kan rehiyon sa pag-deworm.
Segun kay Dr. Mildred Tianes, Medical Officer III kan Infectious Disease Cluster kan DOHBicol, itinao na ngunyan sa mga lokal na gobyerno an responsibilidad sa pag-deworm sa mga aki sa paagi nin pagbakal nin bulong. Apwera kaini, nagtao man an ahensya ki mga bulong nganing dakol na mga aki an mabenepisyaran.
Kumpyansa si Tianes na malangkaw ngunyan an porsyento sa pagdeworm kan mga aki sa Bicol huli ta dakol naman na LGU an nagbakal nin bulong.
