LEGAZPI CITY – Hinikayat ng Department of Health (DOH) Bicol ang mga gagamit ng mga ibat-ibang uri ng mga paputok na gumamit na lamang ng alternatibong ang mga ito upang maiwasan na masugatan o maputukan ng paputok.
Ayon kay Sam Banico, Senior Health Program officer ng nasabing tanggapan, maraming paraan para maiwasan na maputukan ang mga ito.
Kung titingan ang datus ng mga naputukan nitong nagdaang taon ay halos bumaba ito ng 84% o anim na lamang ang naitalang naputukan kumpara sa taong 2019 na mayroon 37 cases.
Isa sa mga dahilan kung bakit bumaba ang bilang ng mga naputukan ay dahil sa pandemya kung saan marami ang hindi nakakalabas ng kanilang tahanan at nakakaranas ang Bicol Region ng pag ulan.
