Tiniyak ni Department of Migrant Workers Secretary Hans Leo Cacdac na patuloy ang pagmamanman nila sa sitwasyon ng mga Overseas Filipino Workers o OFW sa bansang Taiwan.
Kasunod ito ng panibagong tension sa pagitan ng Taiwan at China.
Sa Saturday News Forum, sinabi ni Cacdac na may specific contingency plan ang kanilang ahensya, bagamat tumanggi itong ilahad ang detalye.
Nakikipag ugnayan na rin sila sa Manila Economic Cultural Office o MECO at sa mga community leaders sa Taiwan.
Nabatid na nasa 153, 000 ang mga Pilipino sa Taiwan at halos 95% sa kanila ay mga OFW.
