Gi-angkon sa kagamhanang lokal sa syudad sa Cagayan de Oro nga dili sayon ang gihimo nga house-to-house nga pagtunol sa ECQ Special Ayuda sa mga benepisyaryo.
Matud ni City Mayor Oscar Moreno nga lisod kini nga butang tungod wala kini sukad napahigayon kaniadto.
Mas maayo matud pa niadtong wala pa’y COVID-19 nga mamahimo lamang ipa-agi ang ayudang pinansyal pinaagi sa remittance o payment center.
Apan dili kini mahimo karon tungod sa bahad sa COVID-19 tungod dili gayud malikayan nga magtipok ang katawhan sa center.Subay niini, mi-deploy na ang syudad og 500 ka empleyado sa City Hall aron mutabang sa distribusyon.
Gihimo kini nga lakang tungod gihatagan ang LGU-CDO og time-frame aron matapos ang pag-apod apod sa Special Ayuda.
