NAGA CITY – Ramdam pa rin magpahanggang ngayon ng National Commission on Indigenous People o NCIP ang mga diskriminsayon sa mga Indigenous Peoples sa probinsya ng Camarines Sur.
Sa naging panayam ng Brigada News FM Naga kay Agnes Salvino, NCIP Provincial Officer, sinabi nitong sa pamamagitan ng mga Memorandum of Agreement at patuloy na pakikipagcoordinate sa iba’t-ibang ahensya naipaglalaban at napoprotektahan nila ang mga ito.
Katunayan sa Department of Education naituturo na rin ang mga kultura, may tinatawag silang IPED at nagtalaga ng mga focal person para maiwasan ang karahasan sa kanila at pambubully , may Action Legal Officer sila na siyang kikilos para sa mga nadidiscriminate na mga IP at MOA na nagsasabi sa tamang pagtrato sa kanila.
Mahigit 20,000 mga IP Communities mayroon ang Camarines Sur, karamihan sa mga ito Agta Tabangnon. Pitong Municipality sa Camarines Sur ang kasalukuyang minomonitor ng opisina mayroon sa bayan ng Ocampo, Buhi, Baao, Goa, Sagñay, Tigaon, at sa lungsod ng Iriga.
Sa pamamagitan rin ng mga Programa nila para sa mga IP naipapakita nila at narerecognize na pagdating sa mga decision making sa LGU, Council at Legislative na ang mga IP ay parte ng komunidad.
