“Kun hidlawon ako kay nanay, akon nga gina adtunan ag gina kupkupan”, konbersasyon it menor de edad kay SB Member Matt Guzman
Naga pabilin gihapon sa emotion it SB Member ru haeambaeono it sangka 12 anyos nga ungang eaeaki nga unga it sangka may mentally challenge.
Suno kay SB Member Matt Aaron Guzman sa interview it BRIGADA News FM Kalibo, nakita na ru menor de edad nga matured ru kaisipan sa batang edad.
May handum sigun nga maging public servant sa ulihi ag mas kapin nga maging kompleto sigun ru handum it menor de edad kun maibutang sa eksakto ru anang nanay.
Nag-umpisa nga gin unga ru menor de edad, nag pangatubang eon ru anang nanay it nasambit nga problema sa kaisipan.
Ru masakit, uwa imaw nakilaea it anang nanay apang pero padayon gihapon ru anang pagkilaea maskin mabug-at sa anang baeatyagon kapin pa kun nakikita na nga naga warang ru anang ina sa kalye.
Makit-an sigun nga bukon it biolente ru nanay it menor de edad ag naga estar sa sangka payag-payag sa kilaeang kaean-an sa Kalibo.
Natukob it kaeooy ru SB Mmeber rason nga plano nga paga usuyan it pondo sa mga national agencies concerned para patindugan it mga pasilidad para sa naga inabo nga numero it may mentally challenge nga individual.//MARIVIC Y. ILIN
