GIKUMPIRMA ni PMaj. Dennis Yuson, ang hepe sa Fatima police station nga nagpabilin pa sa ilang kustodiya ang dinakpan sa gihimong operasyon batok illegal nga druga human nga nakuhaan ug kapin Php 3.4 Million nga kantidad sa shabu.
Kahinumdumang gidakop nakalabay nga bulan sa Agosto sulod sa usa ka inn sa Brgy. Fatima Gensan ang nagpangalang Sanny Lloyd L Mamaluba, nga residente sa Doña Soledad, Barangay Labangal, ug narekober sa iyang posisyon ang 10 ka pakete sa gidiling druga.
Nag-atubang sa kasong pagsupak sa Section 5 o iligal nga pagbaligya og gidiling druga ilawom sa Republic Act 9165 kon Comprehensive Dangerous Drugs a=Act of 2002 ang nahisgutang suspek. I MJ Fernandez
