Nagpahimangno karon ang Comelec-Davao ug kapulisan sa mga tao nga buot magparehistro alang sa taliabot nga 2022 election nga dili na hulaton ang gitakdang deadline karong Oktubre 31 aron malikayan ang pagtinakdanay sa Covid-19 virus.
Gibutyag ni P/Capt.William Catipay Jr. ang Deputy Station Commander sa Sta.Ana PNP, 250 lamang ang gitagana nga priority numbers matag distrito nga ipang apud-apod matag adlaw.
Dugang sa opsiyal nga ipanghatag ang priority numbers matag alas 7 sa gabii ug mag cut-off sa curfew hours nga gipatuman sa syudad.
Kahinumduman nga nalugwayan ang voters registration nga mahuman unta niadtong Setyembre 30 human nga naaprobahan sa senado ang hangyo nga lugwayan kini.
Hinuon, padayon nga ginadagsa ang nahisgutang buhatan sa mga tao nga buot magpareshistro ug mubotar sa talibaot nga eleksyon.
