Dili ganahan og gwapa nga babaye, kalit nga nanumbag

Nabun-og ang nawng sa usa ka 37-anyos nga lalaki human kini nga kalit lang nga nanumbag sa mga naka sugat niya nga mga babaye niadtong Dominggo, Hunyo 9, 2024.

Nahitabo ang pagpanumbag sa managlahing dapit sa dakbayan sa Sugbo.

Ang unang insidente nahitabo sa D. Jakosalem Street, Barangay Cogon Ramos sa alas 6:30 sa gabie, diin sa dihang gikasugat sa suspek ang 33-anyos nga babaye kalit kini niya nga gisiko sa walang bahin sa mata.

Alas 6:40 sa gabie, laing biktima napod ang gihilabtan sa suspek, diin iyahang gisumbag ang ilong sa 20-anyos nga babae sa dihang nasugatan niya sa OsmeƱa Boulevard habig DOH-7.

Samtang alas  7 sa gabie, usa ka 22-anyos nga babaeng nag jogging napod ang iyahang gisumbag ug naigo ang walang nga mata.

Matod niya, dili siya ganahan og mga gwapa nga babaye kay peke.

Tungod niini desidido nga mopasaka og kaso ang tulo ka mga biktima kay matod pa nila gusto sila nga dili na kini makapang biktima og lain.

Sa pagkakaron, ang suspek nag-atubang og multiple counts sa serious physical injuries.

Leave a Reply

Your email address will not be published. Required fields are marked *