Bisan paman gipaluagan ang guidelines sa City Government of Digos batok Covid-19, aduna gihapoy mga limitasyon ang pagpaluga sa mga dili bakunado subay sa gipagulang Executive Order No. 53 series of 2021.
Gilatid sa EO 53 nga dili mamahimong pasudlon ang mga tawo sa sinehan kung dili bakunado.
Sirado ang mga business establishments sugod alas 7 sa gabie lakip na niini ang mga mall apan kung fully vaccinated na ang mga empleyado tugutan kini nga mang-abri hangtod alas 11 sa gabie sama sab kini sa mga stalls sa palengke nga tugutan lamang maninda ang dili bakunado hantod 6:00 sa gabie ug alas 9:00 sa gabie ang mga naninda nga fully vaccinated.
Samtang, tugutan sab nga makasulod sa palengke ang mga bakunadong senior citizen, menor-de-edad ug buntis hangtod alas 11 sa gabie samtang alas 7 sa gabie ang mga dili bakunadong indibidwal.
Anaa na sa alert level 2 ang Davao del Sur apan nagpadayon gihapon nga nag monitor ang mga kapulisan sa mga tawo kung nagpadayon kini og tuman sa health protocols batok Covid-19.
