Nakabaton ro probinsiya it Antique it P1.5-milyong food production facility halin sa Department of Agriculture (DA) Region 6.
Ro nasambitan nga pasilidad hay sambilog ka greenhouse hydroponics nga makit-an sa Barangay Badiang, San Jose.
Ro hydroponics hay sambilog ka pamaagi it pagtanom sa sueod it baeay nga uwa nagagamit it eugta. Ro mga sustansiya nga mineral nga kinahangean it tanom hay ginabuoe paagi sa sambilog ka nutrient solution nga ginabutang sa ugat.
Base man sa pahayag ni Provincial Agriculturist Nicolasito Calawag, nagapati imaw nga makumbinse it pasilidad ro mga magunguma it Antique nga tinguha-on nga i-apply ro Hydroponic farming.
