NAGPADAYON ang pagpanghatag ug pangpangulekta sa modules sa mga tulunghaan sa Ozamiz City, nga na nahitabo kagahapong adlawa, Mayo 31, 2021.
Gipangunahan sa Ozamiz City Schools Superintendent Jean G. Veloso, ASDS Myra P. Mebato, Dr. Alice Fe C. Paderanga, Div. Medical Officer ug Atty. Vincent Sheldon A. Zabala, Division Legal Officer ang pagmonitor sa nagpadayon nga distribution and retrieval operations sa mga Self Learning Modules(SLMs), ilabina sa pinakadakong eskwelahan sa Misamis Occidental, particular na sa Ozamiz City National High School.
Gibuhat kini sa DepEd, aron mapakita sa katawhan nga magpadayon ug dili mahunong ang pag-edukar sa mga kabataan, hangtod matapos ang 2020-2021 School year karong umaabot nga Hulyo 10, 2021.
Gibutyag sa Ozamiz-SDS, nga ilang nang gipangandaman, ang pagkahuman sa school year 2020-2021, karong Hulyo, ilabina ang pagpahigayon sa virtual graduations and moving-up ceremonies, sa 58 ka mga public schools sa syudad gikan sa kindergarten, elementary and secondary schools sa Ozamiz City Schools Division.( Jean Ruben)
