LEGAZPI CITY – Nagtaong pagirumdom an Department of Education (DEPED) Legazpi City sa mga estudyante nin manlain-laing eskwelahan sa syudad manungod sa naglalakop na kaso nin pertussis sa nasyon.
Sa intrevista kan Brigada News FM Legazpi kay DEPED Legazpi Medical Officer III Dr. Ma. Sarah Gillego, sinabi kaini na manteniron an makusog na salud kan mga kaakian nganing maibetaran an mga posibleng kahelangan, siring man an paghugas nin kamot, asin magkonsulta tulos sa mga espesyalista kun may sintomas nang namamatian.
Ineenganyar man an mga pregnant mothers na magpabakuna tulos nganing maprotehiran an salud kan mga aki.
Sa ngunyan, igwa nang 862 na kaso an pertussis kairiba an 49 deaths magpuon sa paglaog nin taon hale sa manlain-laing lugar sa nasyon. | Brigada Intern RICHELLE ASTOR
